المدونة

إزاي تختار عجلة مناسبة في 2019؟


Facebook


Twitter


Instagram


Youtube


Pinterest

 علشان تعرف إزاي تختار عجلة مناسبة فى 2019 في عوامل كثيرة لازم تكون عارفها عشان تساعدك في اختيارك لعجلتك وتقلل نطاق بحثك وتوفر عليك الوقت زي :

  • إنك تبحث عن عجلة تناسب طريقة استخدامك
  • تقارن بين مكونات العجلة من (وزن – خامة – جروب – التوكيل – السعر)
  • تسأل نفسك هل أداء الدراجة مناسب لطريقة استخدامك ولا لا؟
  • اختبر عجلتك بعد ما تختارها وشوف هل هي مناسبة؟

لو قدرت تحقق العوامل دي مع بعض هتعرف إزاي تختار عجلة مناسبة وتبعد عن الحيرة والقلق اللي بتكون عند كتير من الناس اللى مش عارفين يختارو العجلة المناسبة ليهم ولاستخدامهم 
علشان كدا عملنا المقال دا … 

إزاي تختار عجلة مناسبة في 2019؟

العامل رقم 4 دا أهم عامل فيهم علشان تعرف إزاي تختار عجلة مناسبة؟، طيب ليه؟ لانك لازم تبقي مرتاح على العجلة اللي انت اخترتها عشان لو فكرت تقطع بيها مسافات طويلة مايحصلش أي مضاعفات لجسمك واداءك يكون مظبوط

في أنواع كثيرة من الدراجات الهوائية.. كل نوع له طريقة استخدام  والتنافس دلوقتي كبير جدا بين الشركات المنتجة للدراجات الهوائية وكل شركة بتحاول تنتج أفضل ما عندها في تصنيع الدراجة الهوائية بمثالية، منها المناسب مع الطرق السريعة ومنها المناسب للطرق الترابية ومنها المناسب للطرق الوعرة طيب ممكن تسال نفسك  “اجيب عجلة من نوع معين انا بحبة واعدل عليه بحيث يكون لية اكتر من استخدام زي اني اجيب عجلة رود وأغير الجنوط بتاعتها او انى اجيب عجلة ماونتن واعدل ليها طقم النقل وهكذا” الاجابة لا طبعا لان كل عجلة وليها استخدامها زي ماسبق وقلنا انك لازم تحدد انت عايز اية وتشتري العجلة على اساسه … مع ان فى ناس بتشتري عجل وتعدل عليه بس احنا مش بننصح بالكلام دة 

وعلشان تبقى فاهم اكتر إزاي تختار عجلة مناسبة ليك أو تساعد أصحابك وأقاربك فى اختيار العجلة المناسبة ليهم هنقولك اية هي انواع العجل اللى موجودة فى السوق واستخدامها……..

أنواع الدراجات الهوائية:

  • دراجات الطرق السريعة او دراجات الرود  Road Bicycle
  • دراجات الهجين  Hybrid Bicycle
  • الدراجات الجبلية
  • دراجات الفري ستايل  BMX
  • دراجات السايكل كروس
  • دراجات الترحال
  • دراجات التراك
  • الدراجات القابلة للطي  Folding

“ويعتبر اهم ثلاثة أنواع بينهم واشهرهم هم (دراجات الطرق السريعة، دراجات الهجينة، الدراجات الجبلية)”

كل نوع من أنواع الدراجات دي له طريقة استخدام مختلفة عن الباقي وكل فئة من الدراجات دي ليها مواصفات ومعايير خاصة

شرح الأنواع بالتفصيل:

دراجات الطرق السريعة او دراجات الرود Road Bicycle

source: specialized.com

تعتبر من الدراجات الأكثر شعبية وتنافسية في العالم لأنها تتمتع بوظائف كثيرة منها السرعة العالية وخفة الوزن والأداء والمرونة وتحتاج الي اللياقة البدنية العالية غير انها تقدر تقطع مسافات طويلة على سرعة عالية

تستخدم دراجات الطرق السريعة في البطولات الرسمية والايفنتات ومن كثرة شعبيتها أصبحت تمتلك اندية يدعمون رياضة الدراجات في كل دول العالم بسبب شعبيتها القوية وهي من أكتر الرياضات تنافسية

تمتلك دراجات الطرق السريعة مقومات عديدة منها خفة الوزن وبساطة التصميم مع وضعية القيادة وخاصية الايروديناميك 

طيب ليه تعتبر وضعية الايروديناميك من اهم خصاص دراجات الطرق السريعة..؟ السبب  في انها بتكسب الدراج مرونة مع توزيع ابعاد الجسم على االعجلة ودا بيقلل الاحتكاك بالهواء وتؤهله لأداء أسرع وأفضل

يتم تصنيع دراجات الطرق السريعة من خامات خفيفة الوزن مثل الكربون الألومنيوم والتيتانيوم لأنهم متميزون بالصلابة وخفة الوزن ويتم تصميم الدراجة الهوائية بمعايير هندسية خاصة ومقاسات محددة لتصبح انسيابية مع القيادة 

يتم تصنيع الإطارات أيضا من نفس الخامات (الألومنيوم والكربون التيتانيوم)

الدراجات الهجين Hybrid

هي دراجة هوائية تجمع بين مزايا العجلة الروود والعجلة الماونتن (الجبلية) بحيث تجمع بين صفات كل منهما علشان تكون مناسبة مع أنواع الطرق المختلفة سواء كانت طرق ترابية او مستوية ، يستخدمها العديد من الأشخاص في المدن والقري كوسيلة مواصلات او لتأدية غرض ما لأنها تعتبر الدراجة الأنسب للأعمال أو للتنزه.

ومن اهم مميزات الدراجة الهجين أنها

  • خفيفة الوزن
  • الإيروبار مستقيم مما يجعلها سهلة القيادة
  • تصميمها بسيط يسهل التعامل معه وصيانتها أسهل

دراجات السايكل كروس Cycle CROSS

هي دراجة تشبه العجلة الرود ولكن تختلف عنها في بعض التفاصيل متمثلة في أنها تمتلك قدرة تحمل اعلي واطارات تتناسب مع الطرق الترابية وتتميز بخفة الوزن وتستخدم في سباقات الطرق الغير ممهدة نسبيا او الطرق الترابية ومن اهم مميزات دراجات السايكل كروس نوعية الإطار مناسبة جدا للتحديات المقامة في الأماكن الوعرة

دراجات الترحال

هي دراجات مصممة للسفر لمسافات طويلة والرحلات وأيضا للتخييم يوضع بيها حوامل امامية وخلفية لحمل حقائب السفر كما ان إطاراتها قوية تتحمل أي اوزان ثقيلة، يسهل قيادتها، يمكن تزويدها بالفرامل الاسطوانية (فرامل الديسك) تتحمل الطرق الخشنة والمليئة بالحصي

الدراجات الجبلية

هي دراجة هوائية مصممة لتحمل الصدمات كما انها تمتلك فرامل اسطوانية قوية ومزودة بمساعدين هيدروليك تجعلها انسيابيه مع الطرق الترابية والصخور والمطبات وهي الدراجة الأنسب للغابات والجبال وأيضا تعتبر الدراجة الأقوى في تسلق المنحدرات تمتاز بوضعيتها المريحة للقيادة والايروبار الخاص بها مستقيم كما في الدراجة الهجين كما ان سرعتها بطيئة نسبياً مقارنة بالأنواع الأخرى والسبب انها تستخدم فقط لتسلق الجبال او ما يسمي برياضة الداون هيل (Down Hills)

دراجات ال FAT BIKE

هي دراجة مخصصة للسير على الرمال يتراوح سمك الإطار ما بين 3.7 بوصة الي 5 بوصة لتلائم الحركة على الرمال او الثلج كما انها تسير بمثالية على الرمال

دراجات التراك Track Bicycle

هي دراجة مصممة خصيصا للسير داخل مضمار سباق بيضاوي الشكل لا تمتلك دراجات التراك أي نظام تعليق انما تعتمد على نظام ال single gear أي ترس واحد فقط

دراجات الفري ستايل BMX

هي دراجة صغيرة الحجم مصممة لأداء الحركات الاستعراضية كما ان دراجات ال BMX تمتلك شعبية خاصة لاعتمادها على استعراضات خطيرة وتحتاج الي ساحات خاصة لأداء الحركات البهلوانية بها

الدراجات القابلة للطى

هي دراجة صغيرة الحجم هيكلها مصمم للطيء ، صممت بهذه الميزة ليسهل تخزينها او حملها ، اذا اردت الذهاب الي عملك  باستخدام الدراجة القابلة للطيء فانها تعتبر الخيار الانسب حيث يمكن تخزينها في مكتبك او داخل المنزل  ولن تضطر الي تركها بالخارج او وضع اقفال عليها  كما ان تكلفتها اقل من تكلفة الدراجات التخصصية

فى المقال دا ذكرنا اشهر انواع العجل تقدر من خلالها تعرف إزاي تختار عجلة مناسبة ليك تناسبك وتناسب استخدامك حسب نمط حياتك والغرض اللى محتاج العجلة فيه ولكن اهم شيء لازم تاخد بالك منه هو المقاس بتاع العجلة لازم يكون مقاس مناسب لطولك وعلشان تعرف تفاصيل اكتر عن الفيتنج ( ازاي تختار مقاس العجلة المناسب ليك) هتلاقيه فى المقال دا ….

شارك المقالة….

Share on facebook
Share on Facebook
Share on twitter
Share on Twitter
Share on linkedin
Share on Linkdin
Share on pinterest
Share on Pinterest

أترك تعليقك….

صفحتنا على الفيسبوك

حساب الموقع على تويتر

اقـرأ أيضــاً…

موقع عجلة اون لاين متخصص فى تقديم كل مايخص الدراجات من خدمات لكل الفئات المهتمة بالدراجات كرياضة أو لعبة. وكذلك كل محبي ركوب الدراجات والمهتمين بها بصفة عامة من تقديم مقالات توعوية ومعلوماتية عن الدراجات وقطع الغيار الخاصة بالدراجات 


Facebook


Twitter


Instagram


Youtube


Pinterest

© جميع الحقوق محفوظة عجلة أون لاين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى